Seksjonsleiar

September 6, 2024

Helse Møre og Romsdal

Volda

OTHER

(i ny fane)

Om stillinga

Ynskjer du å leie ein seksjon som fyller ei avgjerande rolle for eit aktivt lokalsjukehus i Volda?

Radiologisk seksjon i Volda har ledig eit halvtårs vikariat på inntil 100 % stilling som seksjonsleiar, med moglegheit for forlenging. Vi søkjer ein leiar som trivst i eit miljø med høgt tempo, der vi må utvikle oss for å møte noverande og framtidige krav til offentleg helsevesen og radiologi. Du må kunne handtere problemstillingar knytt til leiing av drift og personal i eigen seksjon, og dessutan arbeide tett med avdelingssjef og seksjonsleiarar for dei 2 andre seksjonane til avdelinga.
Avdeling for radiologi Ålesund og Volda har tre seksjonar: seksjon Radiologi Ålesund, seksjon Radiologi Volda og seksjon legar radiologi Ålesund og Volda.
Vi er organiserte i Klinikk for diagnostikk, som har avdelingar spreidd på alle 4 sjukehus i Møre og Romsdal. Ved seksjon Radiologi Volda har vi radiografar, hjelpepleiar og sekretærar. Vi er stolte over vår nye MR og takhengde røntgen i mottak, og har elles CT, tre skjelett-laber, ultralyd og osteodensimetri.
Vi er i ei spennande, men krevjande, tid i Helse Møre og Romsdal. For å møte nokre av utfordringane skal vi framover jobbe med nye prosjekt i klinikken, mellom anna for å samordne og standardisere aktivitet innan radiologi på tvers av seksjonar og avdelingar i føretaket vårt. Saman med andre seksjonsleiarar, og andre ressursar, vil du ha ei naturleg rolle inn i dette arbeidet.

Vi ber om at attestar og vitnemål blir lasta opp som vedlegg til CV/søknad

Nøkkelinformasjon

Søknadsfrist:

Snarast

Arbeidsgivar:

Helse Møre og Romsdal HF

Stad:

Volda

Stillingstittel:

Seksjonsleder

Stillingar:

Heiltid / Deltid:

Heiltid

Tilsetjingsform:

Vikariat

Stillingsprosent:

100

Webcruiter-ID:

4848711221

Arbeidsoppgåver

Personal-, budsjett- og fagleg ansvar for seksjonen, med ansvar for å sikre

Dagleg drift og utvikling av seksjonen
Bemanning og drift etter gjeldande rammer
At drift er innanfor gjeldande lover/forskrifter, kvalitetskrav, og interne retningslinjer
Eit godt arbeidsmiljø og samarbeid mellom medarbeidarar i seksjonen
Deltagelse i avdelinga si leiargruppe, og i utvikling på tvers av ulike seksjonar i sjukehuset og helseføretaket.

Kvalifikasjonar

Bachelor i radiografi og erfaring frå radiologisk avdeling
Tilleggsutdanning i leiing, og/eller relevant leiarerfaring er ønskjeleg
Erfaring med kvalitetsutvikling og endringsleiing er ønskjeleg
Gode kommunikasjonsevner, skriftleg og munnleg
Gode datakunnskapar

Personlege eigenskapar

Ha gode samarbeids- og kommunikasjonsevner
Være synleg og tydeleg, og med ei profesjonell haldning til leiing og utvikling
Ha evne til å setja mål, og skapa intern motivasjon for å oppnå disse
Ha positiv og fleksibel innstilling, med høg grad av evne til gjennomføring

Å vere personleg eigna vil vektleggast.

Vi tilbyr

Sterkt tverrfaglig samarbeid
Ein inkluderende arbeidsplass
Løn etter gjeldende overenskomster/avtaler
Medlemskap i god offentlig pensjonsordning og fordelaktige forsikringsvilkår

Og på fritida:
Volda og Søre Sunnmøre er kjent for dei flotte fjella og fjordane sine, med unike turområde både sommar og vinter. Volda har også eit stort og aktivt studentmiljø. Sjå meir om Volda her: https://no.tripadvisor.com/Tourism-g668823-Volda_More_og_Romsdal_Western_Norway-Vacations.html

Adresse:

Volda Hospital, Kløvertunvegen 1, 6103 Volda, Norge

(i ny fane)

Kontaktinformasjon

Eirin Beate Steinsvik Nordal

Avdelingssjef

Telefon:

93003117

E-post:

eirin.beate.nordal.steinsvik@helse-mr.no

Om arbeidsgivaren

Vil du gjere ein forskjell? Vi i Helse Møre og Romsdal (HMR) gir spesialisthelsetenester til alle innbyggjarane i fylket. Med våre omlag 6500 tilsette er vi ein skapande og nytenkande organisasjon som kvar dag står på for at pasientane skal få best mogleg helsetenester. Vi har ei leiande rolle innan forsking og utdanning, og har sterke fagmiljø knytt til teknisk drift, økonomi og HR. Sjukehusa i HMR er i Volda, Ålesund, Molde og Kristiansund. Nytt felles akuttsjukehus for Nordmøre og Romsdal er under bygging på Hjelset i Molde kommune, og skal stå klart for innflytting våren 2025. I Kristiansund vert det vidare eit breidt spesialisthelsetenestetilbod med poliklinikk, dagbehandling og dagkirurgi. I tillegg har vi behandlingsinstitusjonar innan rehabilitering, psykisk helsevern og rusbehandling. Det vert lagt til rette for gode og inkluderande arbeidsmiljø prega av openheit og respekt. Vi vil at våre tilsette skal spegle mangfaldet i befolkninga. Difor oppmodar vi alle som er kvalifiserte til å søkje hos oss, uavhengig av kjønn, alder, funksjonshemming, nasjonal eller etnisk bakgrunn. Det same gjeld om du har hatt eit lengre opphald i arbeidslivet. Helse Møre og Romsdal er underlagt offentleglova. Vi arbeidar for meiroffentlegheit, og søkarlista til stillinga kan bli offentleggjort. Ein kan be om unntak frå offentleg søkarliste. Unntak skal grunngjevast frå søkar si side. Arbeidsgivar vil vurdere ei slik oppmoding, og søkar vert kontakta om oppmodinga ikkje vert tatt til følgje.
Uansett kva stilling du vert tilsett i, så skal vi bidra til at du får utvikle deg og kompetansen din. Bli med på laget! For meir informasjon om helseføretaket, sjå Helse Møre og Romsdal

We regret to inform you that this job opportunity is no longer available