September 17, 2024

Helse Møre og Romsdal

Molde

OTHER

Sykepleiar

(i ny fane)

Om stillinga

Midt i det vakraste Noreg har å by på av fjordar og fjell, finn du Molde!
Våren 2025 flyttar vi inn i eit nytt, toppmoderne akuttsjukehus på Hjelset. Vil du vere med på denne spennande utviklinga? Då bør du lese vidare!
Vi har no eit ledig 100 % vikariat med snarleg oppstart. Ved interne endringar kan andre stillingar bli ledige, og aktuelle kandidatar vil bli kontakta fortløpande.

Om stillinga
Hos oss legg vi stor vekt på langsiktig turnusplanlegging, og tilpassar turnus til kvar enkelt medarbeidar. Dersom du ønskjer redusert stillingsprosent, er det òg mogleg. Vi håper du har lyst til å bli ein del av vårt dyktige og erfarne sjukepleiarteam, der vi har høg fagleg kompetanse og eit trygt og inkluderande arbeidsmiljø.
Som sjukepleiar på sengeposten vil du jobbe i eit team med sjukepleiarar i ulik alder, med ulik bakgrunn og kjønn. Samarbeidet vårt har resultert i eit godt arbeidsmiljø, der vi legg vekt på trivsel og ivaretaking av alle tilsette.
Sengeposten har fleire fagområde, inkludert gastrokirurgi, plastikkirurgi og gynekologi. For å sikre god pasientflyt og kvalitet på behandlinga, er vi avhengige av eit tett samarbeid mellom ulike faggrupper. Du vil òg få grundig opplæring, inkludert superbrukaropplæring i Helseplattformen, som vi har implementert med suksess.
Vi ber om at attestar og vitnemål vert lasta opp som vedlegg til søknaden din.

Nøkkelinformasjon

Søknadsfrist:

01.10.2024

Arbeidsgivar:

Helse Møre og Romsdal HF

Stad:

Molde

Stillingstittel:

Sykepleier

Stillingar:

Heiltid / Deltid:

Heiltid

Tilsetjingsform:

Vikariat

Stillingsprosent:

100

Webcruiter-ID:

4860107361

Startdato:

01.10.2024

Sluttdato:

31.10.2025

Arbeidsoppgåver

Sjukepleie til pasientar på sengepost
Arbeid i tverrfaglege team
Moglegheit for to- og tredelt turnus

Kvalifikasjonar

Norsk autorisasjon som sjukepleiar
Gode norskkunnskapar, både munnleg og skriftleg
Det er ein fordel om du meistrar fleire språk
Erfaring og kompetanse vil bli vektlagd

Personlege eigenskapar

Gode samarbeidsevner
Positiv og løysingsorientert
Ansvarsbevisst
Kunnskapssøkande

Personleg eignaheit vil bli vektlagd

Vi tilbyr

Sterkt tverrfagleg samarbeid
Eit inkluderande og støttande arbeidsmiljø
Løn etter gjeldande tariffavtalar
Medlemskap i offentleg pensjonsordning med gode forsikringsvilkår

Er dette noko for deg? Då er du hjarteleg velkomen til å søkje på stillinga!

Adresse:

Parkvegen 84, 6412 Molde, Norge

(i ny fane)

Kontaktinformasjon

Anders Nordvik Røstad

Seksjonsleiar

Telefon:

+47 97165121

E-post:

Anders.Nordvik.Rostad@helse-mr.no

Om arbeidsgivaren

Vil du gjere ein forskjell? Vi i Helse Møre og Romsdal (HMR) gir spesialisthelsetenester til alle innbyggjarane i fylket. Med våre omlag 6500 tilsette er vi ein skapande og nytenkande organisasjon som kvar dag står på for at pasientane skal få best mogleg helsetenester. Vi har ei leiande rolle innan forsking og utdanning, og har sterke fagmiljø knytt til teknisk drift, økonomi og HR. Sjukehusa i HMR er i Volda, Ålesund, Molde og Kristiansund. Nytt felles akuttsjukehus for Nordmøre og Romsdal er under bygging på Hjelset i Molde kommune, og skal stå klart for innflytting våren 2025. I Kristiansund vert det vidare eit breidt spesialisthelsetenestetilbod med poliklinikk, dagbehandling og dagkirurgi. I tillegg har vi behandlingsinstitusjonar innan rehabilitering, psykisk helsevern og rusbehandling. Det vert lagt til rette for gode og inkluderande arbeidsmiljø prega av openheit og respekt. Vi vil at våre tilsette skal spegle mangfaldet i befolkninga. Difor oppmodar vi alle som er kvalifiserte til å søkje hos oss, uavhengig av kjønn, alder, funksjonshemming, nasjonal eller etnisk bakgrunn. Det same gjeld om du har hatt eit lengre opphald i arbeidslivet. Helse Møre og Romsdal er underlagt offentleglova. Vi arbeidar for meiroffentlegheit, og søkarlista til stillinga kan bli offentleggjort. Ein kan be om unntak frå offentleg søkarliste. Unntak skal grunngjevast frå søkar si side. Arbeidsgivar vil vurdere ei slik oppmoding, og søkar vert kontakta om oppmodinga ikkje vert tatt til følgje.
Uansett kva stilling du vert tilsett i, så skal vi bidra til at du får utvikle deg og kompetansen din. Bli med på laget! For meir informasjon om helseføretaket, sjå Helse Møre og Romsdal